स्थायी राजधानी दाङ आएकाे खुसीमा दुधरासमा दिप प्रज्वलन

कपिल लामिछाने

दाङ। आज प्रदेश सरकारमा भएकाे मतदानबाट दाङकाे भालुवाङलाई बहुमतले प्रदेश नं ५ काे राजधानी ताेकिए सँग दाङका बिभिन्न ठाउँहरुमा दिप प्रज्वलन भईरहेका छन् ।

यसै सन्दर्भमा दाङकाे तुलसीपुर उपमहानगरपालिका वडा नं १८ ले पनि दुधरासमा एक कार्यक्रमकाे आयाेजना गर्दै दिप प्रज्वलन कार्यक्रम सम्पन्न गरेकाे छ ।
तुलसीपुर १८ का वडा सदस्य धन बहादुर बस्नेतकाे राेहवरमा दुधरास क्षेत्रका स्थानीय बासीन्दाहरुकाे प्रत्यक्ष सहभागितामा नेपालकाे झण्डा अंकित दिप बनाई हर्ष,उल्लासका साथ दिप प्रज्वलन गरिएकाे थियाे ।

दाङले राेजेकाे र खाेजेकाे कुरालाई प्रदेश सरकारले पुरा गरिदिएकाे भन्दै दिप प्रज्वलन कार्यक्रममा वडा सदस्य धन बहादुर बस्नेतले प्रदेश प्रमुख र प्रदेश सांसदहरुलाई धन्यवाद समेत ब्यक्त गर्नुभयाे । आएका सबै सहभागीहरुलाई मिठाई बाड्दै स्थानीय मनाेज राणा, ओमराज सुवेदी, नविन केसी लगाएतले राजधानीलाई स्वागत गर्दै खुसीयाली मनाउदै दङ्गाली जनताकाे माग पुरा भएकाे कुरा ब्यक्त गर्नुभएकाे थियाे ।