घोराहीमा ३ लाख बढि रकम सहित ५ जना जुवाडे पक्राउ

दाङ। दाङको घोराहीबाट प्रहरीले ३ लाख बढि रकमसहित ५ जना जुवाडेलाई पक्राउ गरेको छ । प्रहरीले तीन लाख ५० हजारसहित ५ जनालाई पक्राउ गरेको जनाएको छ ।

घोराही–१८ नवलपुरमा जुवा खेलिरहेको गोप्य सूचनाको आधारमा जिल्ला प्रहरी कार्यालय दाङबाट खटिएको प्रहरी टोलीले उनीहरुलाई पक्राउ गरेको जिल्ला प्रहरी प्रमुख एसपी गणेश चन्दले बताए ।

पक्राउ पर्नेहरुमा घोराही– १० का २६ वर्षीय अनिल कुमार थापा, २७ वर्षीय कमल रावत, २६ वर्षीय केशब डाँगी, घोराही– १५ का २७ वर्षीय बसन्त भण्डारी र २६ वर्षीय धर्म ज्ञवाली रहेको चन्दे बताए ।

पक्राउ परेकालाई जुवा ऐन अनुसार मुद्धा दर्ता गरेर कारबाही हुने प्रहरीले जनाएको छ  ।