दाङमा सामुदायिक बन भित्र लुकाई राखेको अवस्थामा भरुवा बन्दुक भेटियो

दाङ। दाङ एक सामुदायिक बन भित्र लुकाई राखेको अवस्थामा प्रहरीले  ३ वटा भरुवा बन्दुक फेला पारेको छ ।

तुलसीपुर उपमहानगरपालिका  ४ स्थित गादिबरा सामुदायिक बन भित्र साजको रुखको प्वालमा लुकाई राखेको भन्ने सुचनाको आधारमा गएको प्रहरी टोलीले लोड गरी राखेको अवस्थामा ३ वटा बन्दुक फेला पारेको इलाका प्रहरी कार्यालय तुलसीपुरका प्रमुख डिएसपी शिब बहादुर सिंहले जानकारी दिएका छन् । उक्त बन्दुक कसले र किन राखेको हो भन्ने विषयमा थप अनुसन्धान भईरहेको उनले जानकारी दिएका छन् ।

उनका अनुसार केहि समय अघि तुलसीपुरको फुलबारीमा शिकार खेल्ने क्रममा एक व्यक्तिको बन्दुकको गोली लागेर मृत्यु भएपछि हातहतियार खोजिको अभियान चलाउदा एउटा बन्दुक बरामद गरिएको थियो ।