देशका धेरै ठाउँको मौसम सफा, आइतवारदेखि प्रदूषण बढ्न सक्ने

काठमाण्डौ । देशका धेरै ठाउँको मौसम अहिले सफा छ । देशका धेरै ठाउँमा घाम लागेको छ ।

क्रमश सुधार हुँदै गएकाले धेरै ठाउँमा प्रदूषण कम हुँदै गएको छ । तर, पूर्णरुपमा भने प्रदूषण हट्न समय लाग्ने मौसमविद् निराजन सापकोटाले बताउनुभयो । 

यस्तै, आज दिउँसोपछि भने पहाडी क्षेत्रको मौसम बद्ली भएर केही ठाउँमा मेघगर्जनसहित हल्का पानी पर्ने सम्भावना रहेको उहाँले बताउनुभयो । पहाडी क्षेत्रका केही ठाउँमा हल्का पानी परे पनि अन्य ठाउँमा भने नपर्ने मौसमविद् सापकोटाले बताउनुभयो । 

यस्तै जङ्गलमा लागेको डढेलो नरोकिए आइतबारदेखि फेरि प्रदूषण बढ्ने मौसमविद्ले बताएका छन् ।

वातावरणविद्हरुले प्रदूषण बढ्नुको मुख्य कारण डढेलो भएकाले यसको नियन्त्रणमा जोड दिएका छन् ।