कार्गोमार्फत आएको १ किलो गाँजा बरामद

दाङ,१२ पुस ।कार्गोमार्फत आएको १ किलो १ सय ६० ग्राम गाँजा त्रिभुवन विमानस्थलमा बरामद भएको छ । भन्सार कार्यालयले कार्गोमार्फत आएको गाँजा बरामद गरेको त्रिभुवन अन्तर्राष्ट्रिय विमानस्थल भन्सार प्रशासक टोकराज पाण्डेले बताए ।

उनका अनुसार, डिल्लीबजार हुलाक भन्सार कार्यालयलाई शंका लागेपछि गएर जाँच गर्दा गाँजा बरामद भएको थियो । बरामद गाँजाको पार्सल अमेरिकाबाट आएको पाइएको उनले बताए ।

थप अनुसन्धानका लागि बरामद गाँजालाई लागूऔषध नियन्त्रण ब्यूरोलाई बुझाउने तयारी छ । भन्सारले ३० मंसिरमा पनि अमेरिकाबाट आएको ५५ किलो गाँजा बरामद गरेको थियो ।