महायज्ञ परिषरमा लाइफ केयरको हेल्थ डेस्क

दाङ,१४ माघ । तुलसीपुरमा श्रीमद्भागवत सप्ताह ज्ञानविज्ञान महायज्ञ सञ्चालन भइरहेको छ । माघ १३ (हिजो) बाट सुरु भएको महायज्ञको परिषरमा राप्ती लाइफ केयर अस्पतालले स्वास्थ्य सहायता कक्ष (हेल्थडेस्क) स्थापना गरेको छ । लायन्स क्लव अफ तुलसीपुर इशानको आयोजना र राप्ती लाइफ केयर हस्पिटल प्रालिको प्राविधिक सहयोगमा निःशुल्क स्वास्थ्य सहायता कक्ष सञ्चालन गरिएको छ ।
स्वास्थ्य सहायता कक्षमा आइतबार मध्यान्ह् सम्ममा २७ जनाले स्वास्थ्य परिक्षण गराएका छन् । हेल्थडेस्कमा ब्ल्ड प्रेसर, सुगर, ज्वोरोको निःशुल्क परिक्षण गरिने नर्स जिरा चन्दले बताइन् । यसैगरी महायज्ञमा आएको भक्तजनहरुलाई चोटपटक लागेको अवस्थामा सामान्य स्वास्थ्य उपचार गरिने उनले जानकारी दिइन् ।
मानवता प्रर्वद्धन महाअभियान अन्र्तगत तुलसीपुर उपमहानगरपालिका–४ स्थित बनहरीमा मानवसेवा आश्रमको भवन निर्माण सहयोगार्थ महायज्ञ सञ्चालन गरिएको हो । माघ २० गते सम्म सञ्चालन हुने महायज्ञको कथा वाचन भागवत भाष्कर कमलनयन गौतमले गरिरहेका छन् । महायज्ञमा भक्तजनहरुको उपस्थिती बाक्लिदै गएको छ ।