तुलसीपुर नगर जेसीजको अध्यक्षमा भुसाल

दाङ,३० मंसिर । तुलसीपुर नगर जेसीज २०२५ का लागि नयाँ नेतृत्व चयन गरेको छ। सन्दीप भुसाल सर्वसम्मत रूपमा अध्यक्ष निर्वाचित भएका छन्।

भुसालको नेतृत्वमा कार्यकारी उपाध्यक्षमा केशवराज न्यौपाने र उपाध्यक्षमा धीरज बस्नेत, बसन्त योगी, सुरज केसी, विकास जग मल्ल रहेका छन्।

सहसचिव पदमा सुदीप केसी चयन भएका छन्। अन्य पदाधिकारीहरूको नाम पनि छिट्टै सार्वजनिक गरिने बताइएको छ।

जेसीजका नवनिर्वाचित अध्यक्ष भुसालले आफ्नो कार्यकालमा नगरभित्रका युवा नेतृत्वलाई सशक्त बनाउने तथा सामाजिक सेवा र नेतृत्व विकासका कार्यक्रमलाई प्राथमिकता दिने बताए।

समन्वय र सहभागिताबाट संस्थालाई अझ प्रभावकारी बनाउने आफ्नो लक्ष्य हुने उनको भनाइ छ ।