देउखुरीमा मोटरसाइकल दुर्घटना: चालकको अवस्था गम्भीर

दाङ ,१ पुस। दाङमा मोटरसाइकल दुर्घटना हुँदा एकजना गम्भीर घाइते भएका छन्। राप्ती गाउँपालिका वडा नं २ कटेसनाला नजिकै मोटरसाइकल र ट्रक एक आपसमा ठोकिँदा उक्त दुर्घटना भएको हो।

सोमबार बेलुका ७ बजे मोटरसाइकल र ट्रक एकआपसमा ठोकिँदा रा ८ प ४१४६ नम्बर मोटरसाइकलमा सवार चालक गम्भीर घाइते भएका हुन्।

दुर्घटनापछि घाइते भएका हुनलाई उपचारका लागि भालुवाङ अस्पतालमा पुर्‍याइएको छ। घाइतेको पहिचान हुन नसकेको प्रहरीले बताएको छ। घटनाको थप विवरण आउन बाँकी छ।