प्रतिनिधिसभाको सचीवमा हर्कराज सिफारिस

काठमाडौं,१४ पुस। रिक्त रहेको प्रतिनिधि सभाको सचिवमा हर्कराज राईको नाम सिफारिस भएको छ। तत्कालीन सचिव सुरेश अधिकारीले राजीनामा दिएपछि रिक्त सचिव पदमा राईको नाम सिफारिस भएको हो ।

सभामुख देवराज घिमिरेले झापाको शिवसताक्षी गाउँपालिक-२ निवासी राईलाई आइतबार प्रतिनिधि सभाको सचिवमा नियुक्तिका लागि राष्ट्रपति रामचन्द्र पौडेलसमक्ष सिफारिस गरेका हुन्।

राई भौतिक पूर्वाधार मन्त्री देवेन्द्र दाहालको सल्लाहकारका रुपमा कार्यरत छन्। प्रतिनिधिसभाको सचिव बनेको ५ महिनामै अधिकारीले मंसिर ९ मा राजीनामा दिएपछि १ महिनादेखि प्रतिनिधिसभाको सचिव पद रिक्त रहेको थियो ।

राईले सार्वजनिक प्रशासनमा एमफील, राजनीतिशास्त्र तथा ग्रामीण विकासमा स्नातकोत्तर र अंग्रेजी साहित्य तथा पत्रकारितामा स्नातक गरेका छन् ।