चर्चामा सुधाको ‘माया बस्दै छ’

दाङ, १३ फागुन। हालै सार्वजनिक गायिका सुधा रत्नको ‘माया बस्दै छ’ बोेलको गीतले चर्चा बटुल्दैछ । एक दशकदेखि नेपाली गीत–संगीत क्षेत्रमा अग्रसर गायिका सुधाको ‘माया बस्दै छ’ बोेलको गीत बद्री विष्ट नामक युट्युब च्यानलबाट सार्वजनिक भएको हो ।

पछिल्लो चरण नृत्यमा नयाँपन प्रस्तुत गरेर चर्चामा रहनु भएका विष्टको निर्देशनमा बनेको ‘माया बस्दै छ’ गीतको अहिले व्यापक चर्चा भइरहेको छ । नवीन रावलको शब्द÷संगीत रहेको यस गीतमा सुधा रत्न र नवीन रावलले मधुर स्वर दिएका छन् । ‘माया बस्दै छ’ को निर्माता समेत रहेकि गायिका सुधाका हाल सम्म एक सय बढी गीत रेकर्डेड छन् ।

सबै खाले गीतमा सुमधुर आवाज भर्न सक्ने गायिका सुधाको यो नृत्य गीतलाई पनि धेरै श्रोता÷दर्शकले रुचाएका छन् । दर्शकको रुचीलाई विशेष ध्यान दिएर गीतमा नयाँपन प्रस्तुत गर्न खोजिएको छ । युट्युबमा सार्वजनिक भएको आठ दिनमै पाच लाख सात हजार बढीको भ्यूज देखिन्छ भने एक हजार पाच सय बढीले गीत र नृत्य दुबै उत्कृष्ट रहेको प्रतिक्रिया दिएका छन ।

नाचौँ नाचौँ लाग्ने प्रेमिल भावले भरिपूर्ण यस गीतमा बद्री विष्ट र बिना राउतको कलात्मक नृत्य रहेको छ । गीतको भिडियो नवराज उप्रेतीले खिचेका हुन् । गितमा छायांकन गरिएको दृश्य समेत आकर्षक देखिन्छ । भिडीयोको सम्पादन मिलन विश्वकर्माले गरेका छन।

भिडियोको कोरियोग्राफि पनि निर्देशक बद्री विष्टकै रहेको छ । गीतको एरेञ्ज मिक्स्–मास्टरिङ रवि सुनारले गरेका हुन् । गायिका सुधाले विगत झैं यो गीतमा पनि दर्शक÷श्रोताको माया र साथ मिल्ने विश्वास व्यक्त गरिन । आगामी दिनमा दर्शक÷श्रोताको रोजाइलाई मध्यनजर गर्दै थप गीत समेत बजारमा ल्याउने गायिका सुधाले जानकारी दिइन् ।