योजना आयोगको रिक्त पदमा चार सदस्य नियुक्त

काठमाडौँ, ८ चैत । राष्ट्रिय योजना आयोगको रिक्त सदस्य पदमा चार जना सदस्य नियुक्त गरिएको छ । सरकारको मन्त्रिपरिषद्को आजको बैठकले (काठमाडौं)प्रा. सङ्गीता सिंह , कुसहेन्द्रबहादुर महत (जुम्ला), डा. शिवराज अधिकारी (पाल्पा) र डा अरनिको पाण्डे ललितपुर) लाई सदस्य पदमा नियुक्त गरिएको सञ्चार तथा सूचना प्रविधिमन्त्री रेखा शर्माले जानकारी दिइन।

नेपाल र गणतन्त्र कोरियाबीच कूटनीतिक सम्बन्ध स्थापना भएको ५० वर्ष पूरा भएको अवसरमा कोरियाका सात र नेपाली तीन जनालाई जुगल हिमाल आरोहणका लागि आवश्यक दस्तुर मिनाहा गर्ने निर्णय गरेको छ । सिन्धुपाल्चोक जिल्लामा अवस्थित जुगल–१ र जुगल–२ हिमाल आरोहण गर्दा लाग्ने सलामी दस्तुर मिनाहा गर्ने निर्णय भएको मन्त्री शर्माले जानकारी गराइन।

बैठकले नेपाल प्रशासन सेवा समूहतर्फको राजपत्राङ्कित विशिष्ट श्रेणीको रिक्त सचिव पदमा चूडामणि पौडेललाई बढुवा समेत गरेको छ