पत्रकार महासंघ लुम्बिनीमा चौलागाई नेतृत्वको प्यानल बिजयी

दाङ,२९ मंसिर। नेपाल पत्रकार महासंघ लुम्बिनी प्रदेशको अध्यक्षमा नेपाल प्रेस युनियनका शुक्रऋषि चौलागाई निर्वाचित भएका छन्।

मंसिर २८ गते भएको महासंघको निर्वाचनमा नेपाल प्रेस युनियन र प्रेस चौतारीको साझा प्यानलबाट चौलागाईं अध्यक्ष पदको उम्मेदवार रहेका थिए।

उनका प्रतिद्वन्दी रुद्र सुवेदीलाई २०८ मतान्तरले पछि पार्दै चौलागाई अध्यक्षमा निर्वाचित भएका हुन्। निर्वाचनमा चौलागाई नेतृत्व रहेको नेपाल प्रेस युनियन र प्रेस चौतारीको सिङ्गो प्यानलै निर्वाचित भएको छ।

शुक्रबार सम्पन्न निर्वाचनबाट लुम्बिनी प्रदेशको उपाध्यक्षमा रामप्रसाद आचार्य,(महिला)उपाध्यक्षमा मिना ढकाल,महासचिवमा पाण्डवप्रसाद शर्मा ,खुला सचिवमा गोविन्दप्रसाद शर्मा ,समावेशी सचिवमा सरला सुवेदी र कोषाध्यक्षमा प्रेम नारायण आचार्य निर्वाचित भएका छन्।

यसैगरी सदस्यहरूमा तेजेन्द्र केसी, निर्मल आचार्य,प्यार अलि खान, बसन्त बन्जाडे, हिमबहादुर घर्ती खत्री निर्वाचित भएका छन्।

महिला सदस्यहरूमा सविता चौधरी, सरिता चौधरी (थारु) र सीता पाण्डे निर्वाचित भएका छन्। दलित सदस्यतर्फ दलबहादुर सुनार निर्वाचित भएका छन्।

यस्तै आदिवासी जनजाति सदस्यतर्फ दिलबहादुर गाहा र लिलाराज बुढामगर निर्वाचित भएका छन्।

मधेसी सदस्यतर्फ ओम प्रकाश गुप्ता, देवबहादुर यादव निर्वाचित भएका छन भने अल्पसंख्यकतर्फ रविन्द्र यादव निर्वाचित भएका छन्।