स्कार्पियो दुर्घटना हुँदा २ जना घाइते

दाङ,२ पुस । स्कार्पियो दुर्घटना हुँदा दाङमा दुई जना घाइते भएका छन् । जिल्लाको राप्ती गाउँपालिका ३ बागढड्डीमा स्कार्पियो अनियन्त्रित भई पल्टिदा २ जना घाइते भएको प्रहरीले जनाएको छ ।

इलाका प्रहरी कार्यालय भालुवाङका अनुसार दुर्घटनामा परी लमही नगरपालिका-३ फल्कापुरका २२ वर्षिय गणेश चौधरी र राप्ती गाउँपालिका- ८ पिपरीका २१ वर्षिय घाइते भएका छन् ।

पिपरीदेखि लालमटिया जाँदै गरेको भे १ च ४२९९ नम्बरको स्कार्पियो सडकदेखि तल खेतमा गएर पल्टिएको छ । घाइतेमध्ये गणेश चौधरी गम्भीर घाइते भएका छन् ।

घाइते दुवैलाई सिसहनियाँ स्वास्थ्य चौकीमा सामान्य उपचारपछि थप उपचारका लागि बुटवल पठाइएको प्रहरीले बताएको छ ।