पिकअप दुर्घटनाः एकजनाको मृत्यु, तीनजना घाइते

रोल्पा,२६ पुस। रोल्पा पिकअप दुर्घटना हुँदा एकजनाको मृत्यु भएको छ । भने तीनजना घाइते भएका छन् । सुन्तला बोकेर रोल्पाबाट दाङतर्फ जाँदै गरेको जिप दुर्घटना हुँदा चालकसहित चार जना गम्भीर घाइते भएका थिए । ती मध्ये एकजनाको मृत्यु भएको प्रहरीले बताएको छ । प्रहरीका अनुसार गाडी चालक माडी गाँउपालिका वडा नं. १ भित्तावाङका २० वर्षीय हुकुम घर्ती मगरको मृत्यु भएको हो ।

शुक्रबार बेलुका पौने ५ बजेतिर त्रिवेणी गाउँपालिका–४ सिमपानीमा लु १ च ८६८७ नम्बरको सुन्तला बोकेर दाङको तुलसीपुरतर्फ जाँदै गरेको जिप अनियन्त्रित भई दुर्घटना हुँदा झन्डै २५ मिटर तल खसेको थियो। दुर्घटनामा परी रोल्पा त्रिवेणी गाउँपालिका वडा नं. ४ चर्कीका चन्द्रबिर घर्ती मगरकी १४ वर्षीय छोरी दिलमाया घर्तीमगर, सोहीाउँ निवासी कमल घर्तीमगरकी १२ वर्षीया छोरी सरिता घर्तीमगर, वडा नं.२ नुवागाउँका सुकेन्द्र बाठामगरको ११ वर्षीय छोरी करुणा बाठामगर घाइते भएको रोल्पा प्रहरीले बताएको छ ।

उक्त पिकअप जिप माडी गाउँपालिका– १ पेदीखोलादेखि सुन्तला बोकेर तुलसीपुर जाँदै थियो। उक्त दुर्घटनामा परी त्रिवेणी गाउँपालिका–४ की १४ वर्षीया दिलमाया घर्ती मगर, सोही ठाउँकी १२ वर्षीया सरिता घर्ती मगर, त्रिवेणी–२ नुवागाउँकी ११ वर्षीया करुण बाँठा मगरलाई पिकअपले च्यापेको अवस्थामा उद्धार गरी उपचारका लागि दाङको तुलसीपुरतर्फ पठाइएको रोल्पा प्रहरीले जानकारी दिएको छ।