बसको ठक्करबाट रोल्पा एक महिलाको मृत्यु

दाङ , ९माघ । बसको ठक्करबाट रोल्पामा एक महिलाको मृत्यु भएको छ ।

जिल्लाको रुन्टीगढी गाउँपालिका – ७ बलबाङकी ७५ बर्षीया मनबुझा बिकको बसको ठक्करबाट मंगरबार बेलुकी घटनास्थलमै मृत्यु भएको हो ।

रुन्टीगढी – ६ भित्री सडक खण्डमा पर्ने कानकुटे डाँडा नजिकै पैदल हिडिरहेकी बिकलाई रा १ ख २३५६ नम्बरको बसले ठक्कर दिदा घटनास्थलमै मृत्यु भएको जिल्ला प्रहरी कार्यालय रोल्पाले जानकारी दिएको छ ।

बस दाङको घोराहीदेखि रोल्पाको डुब्रिङ तर्फ जाँदै थियो । बसको ठक्कर बाट बृद्धाको घटनास्थलमै मृत्यु भएपछि फरार बसका चालक तथा बस धनी रुन्टीगढी – ५ भर्तिवनका ३४ का लेखराज दसौंदीलाई बेलुकी ७ बजेतिर प्रहरीले नियन्त्रणमा लिएको थियो ।

घटनाबारे अनुसन्धान भइ रहेको प्रहरीले बताएको छ ।