तुलसीपुरमा मोटरसाइकल दुर्घटना हुँदा १ जनाको ज्यान गयो

दाङ । दाङमा मोटरसाईकल दुर्घटना हुँदा एक जनाको ज्यान गयको छ ।

तुलसीपुरको शान्तिदिप प्राविधिक शिक्षालयका प्रिन्सिपल २९ वर्षीय वसन्त भण्डारीको ज्यान गएको हो ।

सोमबार राति १२ बजेतिर तुलसीपुर ८ अश्वाराबाट तुलसीपुर तर्फ आउदै गरेको रा ५ प ४७५९ नम्वरको मोटरसाईकल गहतेखोला पुलमा दुर्घटना हुँदा उनको ज्यान गएको इलाका प्रहरी कार्यालय तुलसीपुरले जनाएको छ ।

सोहि दुर्घटनामा परि मोटरसाईकलमा सवार दंगीशरण गाउँपालिका वडा नम्वर ६ श्रीगाउँ निवासी २६ बर्षिय गोविन्द केसी घा’ईते भएका छन् । मोटरसाईकल गहतेखोला पुलबाट तल खोलामा खसेर दुर्घटना भएको प्रहरीले बताएको छ ।