नेपालमा संक्रमीतको संख्या १ लाख नाघ्यो , थप २०५९ जनामा कोरोना संक्रमण

नेपालमा कोरोना संक्रमितको संख्या १ लाख नाघेकाे छ । शुक्रबार २ हजार ५९ जनामा सङ्क्रमण पुष्टि भएसँगै सङ्क्रमितकाे कुल सङ्ख्या १ लाख ६ सय ७६ पुगेकाे छ ।

पछिल्लाे २४ घण्टामा १३ हजार नाै सय ७९ जनाकाे नमुना परीक्षण गरिएकाे हाे । त्यस्तै गएकाे २४ घण्टामा एक हजार ६ सय ८० जना निकाे भएर फर्किएसँगै डिस्चार्ज हुनेकाे सङ्ख्या ७३ हजार २३ पुगेको छ ।  

अब नेपालमा २७ हजार ५३ जना सक्रिय सङ्क्रमित आइसाेलेशनमा रहेका छन् । यस्तै चार हजार सात सय तीन जना क्वरेण्टीनमा रहेकाे मन्त्रालयले जनाएको छ । 

यस्तै गएको २४ घण्टामा १० जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या ६ सय पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।