बेलझुण्डीमा दशैँकाे शुभकामना आदानप्रदान कार्यक्रम सम्पन्न

कपिल लामिछाने , दाङ। शुभ बिजया दशमीकाे पूर्व सन्ध्यामा नेपाल प्रहरी बेलझुण्डी बिटकाे आयाेजनामा आज शुभकामना आदानप्रदान कार्यक्रम सम्पन्न भएकाे छ ।

जनता प्रहरी एक हाैँ, आपसमा भाईचारा साटाैँ’ भन्ने भने मूल नाराका साथ आज बेलझुण्डीमा शुभकामना आदानप्रदान कार्यक्रम सम्पन्न भएकाे हाे । शुभकामना आदानप्रदान कार्यक्रममा उद्याेग बाणिज्य संघ बिजाैरी,ईलाका प्रहरी कार्यालय तुलसीपुर,ईप्रका हेमन्तपुर स्थानीय जनप्रतिनिधि,बुद्दिजिबी,समाजसेवी,पत्रकार, टाेल बिकास संस्था,टाेल सुरक्षा समिति, स्थानीय युवा,ब्यापारी सबैलाई प्रहरी बिट बेलझुण्डीका असिष्टेन सव-ईन्फेक्टर(असई) बलिराज शाहीले शुभ बिजया दशमीकाे शुभकामना दिदैँ जनता प्रहरीकाे साथी र प्रहरी जनताकाे साथी भएकाे भन्दै आपसी भाईचारा बाढ्दै अघि बढ्न सबैलाई शुभकामना मार्फत शन्देश दिनुभयाे ।

शाहीले नेपाल प्रहरीले गरेका कामहरुकाे चर्चा गर्दै बेलझुण्डी प्रहरी बिटले सधैँ यहाँका स्थानीयहरुकाे सुख र दु:खमा साथ दिदैँ अघि बढेकाे बताउदै आगामी दिनहरुमा पनि यस्तै भाईचारा कायम हुने र चाडपर्वलाई अनुशासन र मर्यादित तवरले मनाउन सबैलाई आग्रह गर्नुभयाे ।
कार्यक्रममा उद्याेग बाणिज्य संघका महासचिव बिदुर गाैतमले यस बर्षकाे बडा दशैँ र शुभ दिपनवलीलाई सामाजिक दुरी कायम राख्दै ब्यवसाय सञ्चालन गरिने र प्रहरीहरुलाई साथ दिदैँ प्रहरीलाई सहयाेग गर्न उद्याेग बाणिज्य संघ पछि नहट्ने कुरा बताउदै सम्पुर्ण नेपालीहरुलाई बिजया दशमीकाे शुभकामना ब्यक्त गर्नुभयाे ।

सामाजिक दुरी कायम राख्दै अनाैपचारिक रुपमा भएकाे शिष्टाचार दशैँ शुभकामना आदानप्रदान कार्यक्रममा करिव १ सय भन्दा बढि मानीसहरुकाे सहभागिता रहेकाे थियाे ।