तुलसीपुरमा अज्ञात समुहको खुकुरी प्रहारबाट १ जना गम्भीर घाइते

दाङ । अज्ञात समूहले खुकुरी प्रहार गर्दा तुलसीपुरमा एक जना गम्भिर घाईते भएका छन् ।

खुकुरी प्रहारबाट तुलसीपुर उपमहानगरपालिका ११ नवलपुर का ४५ वर्षिय कुमार विक घाइते भएका हुन् । ईलाका प्रहरी कार्यालय तुलसीपुरका अनुसार आफन्तकोमा बिहेमा गएका बिकलाई घर फर्किने क्रममा तुलसीपुर उपमहानगरपालिका १० को पड्ढा जाने सडकमा रातमा आएको अपरिचत समूहले बायाँ खुट्टाको चुरीगाँठादेखि तल, हत्केला र औंलामा प्रहार गरेका छन् ।

घाइतेको विकको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि कोहलपुर रिफर गरिएको छ ।

घटनामा संलग्न व्यक्तिको खोजीकार्य तिब्र पारेको प्रहरीले बताएको छ ।