स्कुटर सिक्दा ज्यान गयो

बुटवल । रुपन्देहीमा स्कुटर सिक्ने क्रममा दुर्घटना हुँदा एकजना सह-प्राध्यापकको ज्यान गएको छ । तिलोत्तमा नगरपालिका–१ का ५० वर्षीय डा. शिव पौडेलको आइतबार बिहान स्कुटर सिक्ने क्रममा मृत्यु भएको हो ।

नयाँ स्कुटर किनेर सिक्ने क्रममा आफ्नै घरको कम्पाउण्ड वालमा ठोक्किएर गम्भीर घाइते भएका पौडेललाई मणिग्रामस्थित क्रिमसन अस्पतालमा लैजाँदै गर्दा बाटोमै मृत्यु भएको लुम्बिनी प्रदेश ट्राफिक प्रहरी कार्यालय बुटवलका प्रमुख डम्बर विकले पुष्टि गरे ।