दाङमा ट्रकको ठक्करबाट ३ जनाको घटनास्थलमै ज्यान गयो

दाङ। दाङमा ट्रकले ठक्कर दिदा तीन जनाको घटनास्थलमै ज्यान  गएको छ ।

राप्ती गाउँपालिका वडा नम्बर ४ मौरिघाटमा पश्चिमबाट पूर्व तर्फ जाँदै गरेको ना ६ ख ३३४४ नम्बरको ट्रकले पूर्वबाट पश्चिम तर्फ आउँदै गरेको रा ५ प ६७३३ नम्बरको मोटरसाइकललाई ठक्कर दिदा मोटरसाइकलमा सवार तीन जनाको घटनास्थलमै ज्यान गयको जिल्ला प्रहरी कार्यालय दाङले जनाएको छ ।

मृतक तीन जनाको परिचय भने खुल्न सकेको छैन। शवलाई पोष्टमार्टमको लागि लमही अस्पतालमा राखिएको छ । मंगलबार साँझ करिब साढे ७ बजे भएको दुर्घटना भयको हो । घटना बारे थप अनुसन्धान भइरहेको प्रहरीले जनाएको छ।