नेपालमा २ लाख बढीले कोरोना जिते

काठमाण्डाै । नेपालमा कोरोना भाइरसकाे सङ्क्रमणबाट मुक्त हुनेको सङ्ख्या दुई लाख नाघेको छ । गएको २४ घण्टामा ३ हजार ४३ जना कोरोनामुक्त भएसँगै कोरोनालाई जित्नेको सङ्ख्या २ लाख २ हजार ६७ पुगेको स्वास्थ्य तथा जनसङ्ख्या मन्त्रालयले जनाएको छ ।

यस्तै गएको २४ घण्टामा १ हजार ९ सय ८० जनामा कोरोना भाइरसकाे सङ्क्रमण देखिएकाे छ । योसँगै नेपालमा सङ्क्रमितको कुल सङ्ख्या २ लाख २२ हजार २ सय ८८ पुगेको छ । पछिल्लाे २४ घण्टामा १० हजार ३ सय ८१ जनाको पीसीआर परीक्षण भएको थियो ।

यस्तै गएको २४ घण्टामा १६ जनाको ज्यान गएसँगै सङ्क्रमणबाट ज्यान गुमाउनेको सङ्ख्या १ हजार ३ सय ३७ पुगेको स्वास्थ्य मन्त्रालयले जनाएको छ ।