दाङमा ब्राउन सुगरसहित ६ जना पक्राउ

दाङ। दाङमा अवैध लागुऔषध ब्राउन सुगरसहित ६ जना पक्राउ परेका छन् ।

पक्राउ परेकाहरूको साथबाट ३० ग्राम लागुऔषध ब्राउन सुगर बरामद गरिएको छ ।पक्राउ पर्नेमा राप्ती गाउँपालिका वडा नं. ९ देवीकोट निवासी ३७ वर्षिय सङसुलहक मिया, प्युठान सरुमारानी राप्ती गाउँपालिका वडा नं. १ बाङ्गेसाल निवासी ३० वर्षिय ईसादिन मिया, सोही ठाउँ निवासी २८ वर्षिय अजित मिया, सोही वडा माझेलाठी निवासी २३ वर्षिय रबिन नेपाली, साथै बाङ्गेसाल निवासी २४ वर्षिय ईदिस मिया र गढवा गाउँपालिका वडा नं.१ जुरौनी निवासी ३२ वर्षिय गफुर मिया रहेको लुम्बिनी प्रदेश प्रहरी कार्यालय तुलसीपुरले जानकारी दिएको छ ।

उनीहरुलाई गढवा गाउँपालिका वडा नं. १ जुरौनी स्थित गफुर मियाको घरबाट आइतबार पक्राउ गरिएको हो । घटनाका सम्बन्धमा थप अनुसन्धान भइरहेको छ ।