तुलसीपुरमा बस र मोटरसाइकल ठोक्किदा २ घाइते

दाङ। तुलसीपुरमा बस र मोटरसाइकल एक आपसमा ठोक्किदा दुई जना घाइते भएका छन् ।
बुधबार बिहान ९ बजेतिर तुलसीपुर उपमहानगरपालिका-६ देखि एर्पोट तर्फ जादै गरेको रा १ क ९४२ नं. को ज्ञान ज्योति बोडिङ स्कूलको बसले रा ५ प ८२६९ नं. मोटरसाइकललाई ठक्कर दिदा दुई जना घाइते भएको इलाका प्रहरी कार्यालय तुलसीपुरले जनाएको छ ।

घाइते हुनेमा मोटरसाइकल चालक तुलसीपुर उपमहानगरपालिका वडा नं. ९ बेलुवा निवासी ३७ वर्षिय दुर्गा सार्की र मोटरसाइकलमा सवार सोही ठाउँ निवासी ३९ वर्षिय सुरेश विक रहेका छन् । घाइते दुवै जनाको राप्ती प्रादेशिक अस्पतालमा उपचार भैरहेको छ ।