जन कल्याण मा.बि.मा ३ महिने सिपमूलक तालिमको उद्घाटन

दाङ, कपिल लामिछाने ।
बिद्यार्थीहरुलाई प्राबिधिक तहमा उर्जावान र सक्षम बनाउनका लागी आजबाट जन कल्याण मा.बि. दुधरासमा छोटो अवधिको ३ महिने सिपमूलक तालिमको उद्घाटन गरिएको छ ।

बिद्यार्थीहरुको सर्वाङ्गीण बिकास र प्राबिधिक ज्ञान मार्फत देशलाई बलियो बनाउन सजिलो होस् भन्ने उदेश्यले उक्त तालिमको आयोजना गरिएको र उक्त कार्यक्रमले सफलता प्राप्त गर्ने कुरा बोल्ने बक्ताहरुले उल्लेख गर्नुभएको थियो ।

कार्यक्रममा प्रमुख अतिथि माधव वलीले छोटो अवधिको तालिमले सम्पुर्ण प्रशिक्षार्थीहरु मनोवल उच्च पार्नुका साथै उनिहरुको प्राबिधिक ज्ञान बृद्धि हुने कुरा उल्लेख गर्दै तुलसीपुर उपमहानगरपालिका वडा नं १८ ले यस्ता किसिमका तालिमहरुलाई बिशेष प्राथमिकता दिदैँ अघि बढिरहेको कुरा ब्यक्त गर्दै सम्पुर्ण प्रशिक्षार्थीहरुलाई शुभकामना दिनुभयो । कार्यक्रममा तुलसीपुर उपमहानगरपालिका वडा नं १७ का वडा सदस्य लब्रु चौधरीले यस्ता किसिमका तालिमहरुले युवा बर्गलाई थप जोस् र हौसला प्रदान गर्ने भन्दै यस्ता किसिमका तालिमका लागी जनप्रतिनिधि र सिङ्गो तुलसीपुर १७ लागी परेको बताउदै तालिमको सफलताको शुभकामना दिनुभयो । कार्यक्रममा बिद्यालयका प्रधानाध्यापक हिम बहादुर भण्डारीले प्रत्येक बर्ष सञ्चालन भईरहेको तालिमहरु मध्ये यो बर्ष कम्प्युटर हार्डवयर र बिल्डिङ ईलेक्ट्रिसियन तालिम सञ्चालन भएको र आगामी बर्षहरुमा यस्ता किसिमका अन्य तालिमहरु सञ्चालन गर्ने प्रतिबद्धता ब्यक्त गर्नुभयो । कार्यक्रममा प्रशिक्षक मनिष पौडेल, कम्प्युटर ईन्जिनियर कृष्ण प्रसाद सापकोटा लगाएतले मन्तब्य ब्यक्त गर्नुभएको थियो ।

बिद्यालयका प्रधानाध्यापक हिम बहादुर भण्डारीको अध्यक्षता तुलसीपुर उपमहानगरपालिका वडा नं १८ का वडा अध्यक्ष माधव वलीको प्रमुख आथित्यता एवम् तुलसीपुर १७ का वडा सदस्य लब्रु चौधरीको बिशिष्ठ अथित्यतामा भएको कार्यक्रम बिद्यालयका लेखापाल डम्बर वलीको स्वागत मन्तव्यबाट सुरु भएको थियो भने कार्यक्रको सहजिकरण बिद्यालयका शिक्षक गिरीराज पाण्डेले गर्नुभएको थियो ।