दाङमा ट्याक्टरले मोटरसाइकललाई ठक्कर दिदा २ जनाको ज्यान गयो

दाङ । दाङमा ट्याक्टरले ठक्कर दिदा एउटै मोटरसाईकलमा सवार ३ जना मध्ये २ जनाको ज्यान गएको छ भने अर्का एक जना घाइते भएका छन् ।

ठक्करबाट दंगिशरण ३ हेकुलीका २५ बर्षीय बिबेक थापा र वडा नं. ४ बैबाङका २६ बर्षीय दिनेश खड्काको मृत्यु उपचारका क्रममा कोहलपुरमा मृत्यु भएको भएको इलाका प्रहरी बताएको छ ।

शुक्रबार बेलुका सवा ८ बजेतिर तुलसीपुरबाट पश्चिम तर्फ जाँदै गरेको रा १ त ३४४१ नम्वरको ट्याक्टरले पश्चिमबाट तुलसीपुरतर्फ आउँदै गरेको रा ६ प १४३४ नम्वरको मोटरसाईकललाई दंगिशरण ५ लौबस्ता भन्ने ठाउँमा ठक्कर दिएको थियो ।

दूर्घटनामा परि सोही मोटरसाईकलमा सवार दंगिशरण ३ रातवगाउँका २४ बर्षीय आँकाश कँडेल घाइते भएका छन् । उनको पनि कोहलपुरमा उपचार भइरहेको छ ।