तुलसीपुर उपमहानगरको नयाँ लोगो सार्वजनिक

दाङ । तुलसीपुर उपमहानगरपालिकाको नयाँ लोगो सार्वजनिक भएको छ । आठौँ नगरसभाको पहिलो बैठकमा तुलसीपुर उपमहानगरपालिका वडा नम्बर १५ का प्रेमराज चौधरीले वनाएको लोगोलाई उत्कृष्ट लोगोका रुपमा सार्वजनिक गरिएको हो ।

प्रतिष्पर्धामा १७ वटा लोगो प्राप्त भएको र त्यसको छोटो सुचि तयार पारेर ३ वटा लोगो कार्यपालिकाको बैठकमा पेश गरिएको सूचना अधिकारी बाबुराम न्यौपानेले जानकारी दिए । कार्यपालिकाको ९८ औ बैठकले अन्तिम लोगो छनोट गरेको थियो । उत्कृष्ट लोगो वनाउनलेलाई उपमहानगरपालिकाले २० हजार रूपैयाँ पुरस्कारको घोषणा गरेको छ । उपमहानगरपालिकाको सबै पहिचान झल्कने कुराहरुलाई समेटेर लोगो निर्माणका लागि सार्वजनिक सूचना आव्ह्वान गरिएको थियो ।