तुलसीपुर नगर प्रमुखको प्रेस सल्लाहकारमा बस्नेत नियुक्त

दाङ। तुलसीपुर उपमहानगरपालिकाका नगर प्रमुख घनश्याम पाण्डेको प्रेस सल्लाहकारमा पत्रकार ओपेन्द्र बस्नेतलाई नियुक्त गरिएको छ ।

सोमबार बसेको तुलसीपुर उपमहानगरपालिका कार्यपालिका बैठकले पत्रकार बस्नेतलाई प्रेस सल्लाहकारमा नियुक्त गर्ने निर्णय गरेको उपमहानगरका प्रवक्ता सुर्य बहादुर डाँगी (श्याम)ले जानकारी दिनुभयो ।

राजनीति शास्त्रमा स्नाकोत्तर गर्नुभएका पत्रकार बस्नेत करिब दुई दशकदेखि छापा, विद्युतीय र अनलाइन पत्रकारिता क्षेत्रमा कृयाशील हुनुहुन्छ । तुलसीपुरबाट प्रशारण भैरहेको रेडियो प्रकृति एफएमको स्टेशनम्यानेजर, तुलसीपुर खबर डटकमको प्रकाशक तथा सम्पादक समेत रहनुभएका पत्रकार बस्नेत अन्य विभिन्न संचारमाध्यममा आवद्ध हुनुहुन्छ ।