दाङमा हतियारसहित दुई भारतीय नागरिक पक्राउ

दाङ : दाङमा प्रहरीले अत्याधुनिक हतियारसहित दुईजना भारतीय नागरिकलाई पक्राउ गरेको छ ।

दाङको गढवागाउपालिकाबाट  भारतको सिद्धार्थनगर पञ्चायत वडा नम्बर ३ का करमुल्हाल आमिर र राजा खाँनलाई अत्याधुनिक पेस्तोल संगै त्यसमा लाग्ने दुईवटा म्याग्जीन ,  दुई राउन्ड गोलीसहित पक्राउ गरिएको प्रहरीले जनाएको छ । 
उनीहरूलाई जिप्रका दाङबाट खटिएको प्रहरी टोलीले सोमबार बेलुकी करिब ५ बजेतिर पक्राउ गरेको हो ।

उनीहरूलाई पक्राउ गरी हिरासतमा राखेर थप अनुसन्धान भइरहेको दाङ प्रहरी प्रमुख एसपी सुरेस काफ्लेले जानकारी दिएका छन् । प्रहरीले आज पत्रकार सम्मेलन गरी उनीहरुलाई  सार्वजनिक गरेको हो ।