सन्दीप आवद्ध दिल्लीको सानदार जित

दुबईमा जारी १३ औं संस्करणको इण्डियन प्रिमियर लिग (आईपीएलमा) सन्दीप लामिछाने आवद्ध टिम दिल्ली क्यापिटल्सले पाँचौं जित हात पारेको छ ।

राति भएको खेलमा दिल्ली क्यापिटल्सले राजस्थान रोयल्सलाई ४६ रनले हराएको हो । टस हारेर पहिला ब्याटिङ गरेको दिल्लीले निर्धारित २० ओभरमा ८ विकेट गुमाएर १८४ रन बनायो ।

जितका लागि १८५ रनको लक्ष्य पाएको राजस्थानले १९ ओभर ४ बलमा अलआउट हुँदै १३८ रन मात्रै बनाउन सक्यो ।

यो जितसँगै दिल्ली क्यापिटल्स १० अंकका साथ लिगको शिर्ष स्थानमा उक्लिएको छ भने राजस्थान ४ अंकका साथ सातौं स्थानमा रहेकोे छ ।