कोरोना जितेपछि कप्तान मल्ल सहित ३ खेलाडी बन्द प्रशिक्षणमा

कोरोना संक्रमण मुक्त भएका कप्तान ज्ञानेन्द्र मल्लसहित ३ खेलाडी राष्ट्रिय क्रिकेट टोलीको बन्द प्रशिक्षणमा सामेल भएका छन्।

बन्द प्रशिक्षणअघि गरिएको कोरोना परीक्षणमा कप्तान मल्लसहित उपकप्तान दिपेन्द्र सिंह ऐरी र रोहित कुमार पौडेललाई कोरोना संक्रमण देखिएको थियो।

कोरोना संक्रमण मुक्त भएका तीनै खेलाडी आइतबारबाट बन्द प्रशिक्षणमा सहभागी भएको नेपाल क्रिकेट संघ (क्यान) ले जनाएको छ।

त्यस्तै संक्रमण पुष्टि भएका लेग स्पिनर सन्दीप लामिछाने भने अहिले पनि होम आइसोलेसनमा छन्।