टिम प्रमोदका किरण बने भ्वाइस अफ नेपाल सिजन ३

द भ्वाइस अफ नेपाल सिजन ३ को उपाधि किरण गजमिरले हात पारेका छन् ।

शनिबार भएको फाइनलमा अन्य तीन प्रतिश्पर्धीलाई भोटका आधारमा पछि पार्दै गजमिरले उपाधि रक्षा गरेका हुन्। अमेरिकाबाट भ्वाइसकै लागि नेपाल आएका किरण आठ महिनादेखि नेपालमा छन् । ‘भ्वाइस अफ नेपाल’मा सहभागी हुनुपूर्व उनले कर्णराज कार्कीसँग तालिम लिएका थिए।

तेस्रो संस्करणको फाइनलमा टिम प्रमोदबाट किरण गजमिर, टिम दिपबाट आर्यन तामाङ, टिम तृष्णाबाट ज्वाला राई र टिम राजुबाट तारा श्रीष मगरले फाइनलमा प्रतिश्पर्धा गरेका थिए । गत साता भएको सेमिफाइनलमा चार वटा टिमका एक–एक जना प्रतिभा ग्राण्ड फिनालेमा प्रवेश गरेका थिए ।