धान दिवसमा थर्ड आईको रक्तदान

दाङ,१५ असार । राष्ट्रिय धान दिवसको अवसर पारेर तुलसीपुरमा रहेको थर्ड आई नेपालले रक्तदान कार्यक्रम गरेको छ । मानवीय सेवालाइ पहिलो प्राथमिकतामा राखेर संस्थाले रक्तदान गरी राष्ट्रिय धान दिवस मनाएको हो ।

शनिवार संस्थाका अध्यक्ष बसन्त गिरीको अध्यक्षतामा उक्त कार्यक्रम गरिएको हो। त्यस अवसरमा ३४ जनाले रक्तदान गरेको थर्ड आई नेपालले जानकारी दिएको छ ।

जिल्लामा रगत अभावको समस्या न्युनीकरण गर्ने अभियान अन्र्तगत रक्तदान कार्यक्रम गरिएको अध्यक्ष गिरीले बताए। नेपाल रेडक्रस सोसाईटी तुलसीपुर शाखाको रक्त सञ्चार केन्द्रमा उक्त कार्यक्रम गरिएको थियो ।

संस्थाले सामाजिक उत्तरदायित्व बहनगर्ने उदेश्य अनुरुप समय–समयमा विभिन्न सामाजिक कामहरु गर्दै आएको छ ।