गुरु पूर्णिमा विशेष कार्यक्रम सम्पन्न

दाङ ६ साउन। दाङको तुलसीपुरस्थित कमलपोखरी योग साधना केन्द्र रजौला दाङमा गुरु पूर्णिमा विशेष कार्यक्रम सम्पन्न भएको छ। योग साधना केन्द्रका अध्यक्ष बलदेव रजौरीको अध्यक्षतामा गुरु पूर्णिमा कार्यक्रम सम्पन्न भएको हो।
कार्यक्रममा यो गुरु नीलप्रसाद सापकोटाले गुरु पूर्णिमाको महत्व र सान्दर्भिकताको बारेमा चर्चा गरेका थिए।

पछिल्लो समय गुरु र सिस्य बीचको सम्बन्ध कमजोर बन्दै गएको उनले बताएका थिए। गुरुपूर्णिमाले गुरुभक्ति अझ प्रगाट बनाउने र मनभित्रको अन्धकार हटाउँदै उज्यालो यात्रातर्फ लाग्न प्रेरित गर्ने उनले बताएका हुन्।

सो अवसरमा सालिक्राम रजौरे , झग्गु प्रसाद पोख्रेल र बामदेव बिष्ट लगायेतले आफ्नो धारणा व्यक्त गरेका थिए।