इजरायली हमलामा परि विद्यालयमा आश्रित १५ जनाको मृत्यु

काठमाडौँ ,२८ असोज । इजरायलले गरेको हवाइ हमलामा गाजाको विद्यालयमा आश्रय लिएर बसेका १५ जनाको मृत्यु भएको छ। सो विद्यालयमा विस्थापित प्यालेस्टिनीहरू आश्रय लिएर बसेका थिए।

गाजाको नुसैरत शिविरमा इजरायलले दर्जनौ प्रहार गरेको थियो। इजरायली हमलामा अन्य ५० जना घाइते भएका छन्।

हालैका दिनहरूमा गाजामा द्वन्द्वका मुख्य क्षेत्रहरू उत्तरमा रहेका छन् । यो स्थानमा इजरायली सेनाहरूले एक साताभन्दा बढी समयदेखि आक्रमणलाई तीव्र पारेका छन्। त्यसयता सयौं मारिएका छन् ।

बेइट हानौन, जबलिया र बेट लाहियाका बासिन्दाहरूले गाजा सहर नजिकैबाट सम्पर्क टुटेको रिपोर्ट गरेका छन् । इजरायली ट्याङ्कहरू सबैभन्दा ठूलो सहरको बाहिरी भागमा देखिएका छन् ।

यसअघि उत्तरी गाजामा सडकको कुनामा खेल्दै गर्दा ड्रोन हमलामा पाँच बालबालिकाको मृत्यु भएको थियो ।

सिभिल डिफेन्सका प्रवक्ताले गाजा वरपरका सयौं विस्थापित मानिसहरूलाई आश्रय दिएको अल(मुफ्ती स्कूलमा भएको आक्रमणमा कम्तीमा ५० जना घाइते भएको र एक दर्जनभन्दा बढीको मृत्यु भएको बताए।