श्रीमती हत्यागर्ने श्रीमान पक्राउ

तनहुँ,२३ कार्तिक । बन्चरो प्रहार गरी श्रीमतीको हत्या गर्ने एक व्यक्तिलाई प्रहरीले पक्राउ गरेको छ । श्रीमतीको हत्या गरेको आरोपमा प्रहरीले भानु नगरपालिका–८ गैरीफाँटका ४२ वर्षीय ओमनारायण श्रेष्ठलाई पक्राउ गरेको हो ।

श्रेष्ठले बिहीबार ३९ वर्षीया श्रीमती प्रतिक्षा श्रेष्ठलाई बन्चरो प्रहार गरी हत्या गरेको तनहुँका प्रहरी नायव उपरीक्षक अशोक थापाले जानकारी दिए ।

बन्चरो प्रहारबाट घाइते श्रेष्ठलाई उपचारका लागि दमौली अस्पताल ल्याइएकामा चिकित्सकले मृत घोषणा गरेका थिए ।

हत्या अभियुक्त श्रीमान्‌लाई प्रहरीले नियन्त्रणमा लिएको छ । घटनाका सम्बन्धमा थप अनुसन्धान भइरहेको डीएसपी थापाले बताए। घरायसी झै(झगडाका कारण घटना भएको प्रारम्भिक अनुसन्धानबाट खुलेको छ ।