बिदा भए राखेप उपाध्यक्ष कोइराला

श्रावण २३, २०८१

काठमाडौँ,२३ साउन । राष्ट्रिय खेलकुद परिषद (राखेप)का उपाध्यक्ष शिव कोइरालालाई बिदाई गरिएको छ । कोइराला ४ वर्षे कार्यकाल पूरा गरेर बिदा भएका छन् ।

२०७७ साल साउनको १२ गते राखेपको उपाध्यक्षमा नियुक्त भएका कोइरालाले राखेपको जिम्मेवारीबाट हटे पनि आफू खेलकुदको विकासमा लागिरहने बताए ।

आफ्नो कार्यकालमा खेलकुद क्षेत्रमा केही परिवर्तन भएको उनले बताए । कार्यक्रममा युवा तथा खेलकुद मन्त्री तेजुलाल चौधरीले खेलाडीलाई बर्गीकरण गरी स्वास्थ्य र शिक्षामा सहुलियत दिन सकिने बताए ।